Engadir os repositorios de Google

Sempre que desexemos novos repositorios en Ubuntu, necesitamos   importar a chave pública dos repositorios que permite verificar o paquete antes de baixalo. No caso dos repositorios de Google temos que abrir un terminal (Aplicaciones->Accesorios->Terminal) e pegar a seguinte liña.

$ wget -q -O - http://dl.google.com/linux/linux_signing_key.pub | sudo apt-key add -

No terminal podemos pegar premendo a roda (do medio) do rato. Vainos pedir a nosa contrasinal. 

Agora abrimos Synaptic e no menú imos a Configuración->Repositorios e seleccionamos a pestana de 

"Otro Software" prememos en "Añadir".

Agora pegamos no recadro a seguinte liña.

deb http://dl.google.com/linux/deb/ stable non-free 

Lle damos a "Añadir Origen", pechamos e logo o botón de Recargar. Agora xa podemos buscar no Synaptic o Google Chrome ou Picasa e instalalo en Ubuntu.

Engadir repositorios a Synaptic

Para poder instalar programas en Ubuntu xeralmente recurrimos a Synaptic, Sistema->Administración->Gestor de paquetes Synaptic.

Para poder acceder a máis aplicacións que as que o sistema permite instalar por defecto necesitamos engadir outros repositorios; un repositorio é o servidor dende o que os sistemas Linux (Ubuntu é un sistema Linux) poden instalar novos programas.
Para engadir outros repositorios temos que ir a Configuración->Repositorios, e unha vez aberta a fiestra seleccionamos a pestana Otro Software.

Temos que asegurarnos de ter seleccionadas as dúas entrada que aparecen na captura de pantalla. A continuación pechamos e cando volvemos prememos en actualizar (o botón da parte superior dereita do Synaptic).
A partir de agora podemos acceder a novos programas e pluguins que antes no tiñamos dispoñibles.