PFAC en Fene- ¿Haber se nolo conceden?

CREACIÓN E UTILIZACIÓN DE MATERIAIS E RECURSOS NA AULA ABALAR

O IES de Fene é un centro dinámico no que se refire o tema das NTIC. Hai moito que mellorar e moitas destrezas que adquirir. Pero un grande porcentaxe do profesorado demanda utilizalas, reserva as aulas de ordenadores ou as das PDI, e leva os alumnos para facer traballos de investigación e todo tipo de actividades.

No IES de Fene para a ESO e Bacherelato contamos con dúas aulas de informática, 4 PDI (contando a da aula Abarlar) e de momento unha aula Abalar, podemos dicir que utilízanse as NTIC acotío, o profesorado en xeral utiliza o ordenador as ferramentas de búsqueda de información, a Web e demais recursos tecnolóxicos na práctica docente.

O seguinte paso ten que ser, deseñar de maneira máis eficiente o seu uso; ideas estratexias para poder levar estas tecnoloxías a aula, e ir un paso máis adiante, empezar a crear os nosos propios materiais para a práctica docente.

Planificar o uso das NTIC ten a ventaxa que fai as clases máis eficientes, permite aproveitar mellor o tempo, ademais as fan máis dinámicas para o alumno, máis participativas e interactivas. Cando o docente crea ou selecciona os seus recursos a ensinanza é máis personalizada e céntrase máis no que o profesor pretende ensinar.

Unha parte fundamental é a selección de información incluso para a creación de materiais novos, sempre temos que partir de ideas, de estratexias e experiencias pedagóxicas previas. O coñecemento nace de ideas preexistentes e por suposto temos que respetar as autorías dos materiais utilizados.

O curso pasado no Proxecto Abalar centrámonos principalmente en Moodle, na PDI e a aula Abalar e tamén vimos o entorno Ubuntu e as súas aplicacións máis habituais. O obxectivo deste curso é poñer en práctica as destrezas acadadas e poder crear os nosos propios recursos.

Este tipo de proxecto vai a repercutir no IES no sentido de organizar, racionalizar e organizar o uso dos materiais e recursos dixitais na práctica educativa, xa que aínda que se usen estas acotío a eficiencia pode ser mellorable.

Obxectivos na práctica docente

• Seleccionar recursos educativos de interese para a aula.
• Utilizar as ferramentas da PDI para a creación de materiais de utilidade na práctica diaria.
• Utilizar o LIM para a creación de materiais.
• Utilizar Jclic para a creación de materiais.

• Elaborar estratexias para integrar os materiais na clase e dentro do currículo da materia.
• Elaborar estratexias de coordinación nas actividades entre as materias. Proxectos que involucren varias áreas.
• A aula virtual e o banco de recursos coma medio para ordenar e clasificar recursos.

Programa de contidos, actividades e temporalización

O proxecto terá unha duración de 35 horas repartidas en reunións de 3 horas o mércores pola tarde de 4 a 7.

Teremos 15 horas de docencia directa cons seguintes contidos:

A PDI para a creación de contidos.(6 horas)

O LIM para a elaboracións de unidades didácticas.(3 horas)

O JCLIC creación de actividades para a aula.(3 horas)

Estratexias colaborativas na práctica diaria na aula e coordinación con outras materias.

O uso das NTIC na aula, selección de recursos.(3 horas)

O resto das reunións terán coma obxectivo a búsqueda, selección, creación de actividades e coordinación entre os integrantes do proxecto.

Temporalización

Data	Obxectivos	Horario
19/10/11	Posta en común, organización do traballo	4:00-7:00
09/11/11	A PDI, selección de recursos. Estratexias de coordinación	4:00-7:00
23/11/11	Traballo do grupo (sempre con respecto a última sesión de docencia)	4:00-7:00
14/12/11	O PDI coma ferramenta para a creación de materiais.	4:00-7:00
11/01/12	Traballo en grupo	4:00-7:00
18/01/12	Traballo en grupo	4:00-7:00
08/02/12	LIM- creación de libros interactivos para unidades didácticas	4:00-7:00
29/02/12	Traballo en grupo	4:00-7:00
14/03/12	Jclic- actividades colaborativas entre áreas. Método de proxectos.	4:00-7:00
28/03/12	Traballo en grupo	4:00-7:00
11/04/12	JClic- creación de actividades interactivas para el aula.	4:00-7:00
18/04/12	Traballo en grupo	4:00-7:00

Metodoloxía

No centro vense utilizando as novas tecnoloxías dende moi atrás o problema é ordenar este uso e planificalo. O profesor coma xa mencionamos, utiliza a PDI diariamente, e as aulas de informática, temos en todos os ordenadores instalado o Ubuntu e parte dos docentes do cento xa están habituados a este software libre e comprenden a súa filosofía e utilidade. De todas maneiras, o recurso máis utilizado son as aulas virtuais, xa que é unha ferramenta moi potente para a compartición, para a interacción co alumno e para o seguimento personalizado do traballo de este.

A metodoloxía cando están involucradas as NTIC, ten que xirar sempre co contacto directo cos recursos. Nas sesións de docencia temos que facer prácticas simultáneas e directas coas aplicacións e os aparellos tecnolóxicos.

A metodoloxía ten que basearse en casos prácticos, poñemos un suposto e intentamos argallar unha solución coas ferramentas que temos. Deste xeito vemos simultanemente as posibles incidencias que logo van a aparecer na aula.

Eu ademais penso, que logo hai que deixar algún tipo de titorial práctico, para que o profesor repase aquel paso que esqueceu. Para estas cousas os titoriais baseados en pantallazos ou videotitoriais son moi prácticos e útiles. No IES soemos poñelos como posts nun blog que se chama “AbalandoFene”.

Ademais para as sesións de traballo en grupo, poñeremos como tarea a elaboración de contidos reais. Sería moi interesante plantexar algún tipo de actividade colaborativa entre máis dunha área. Deste xeito ir levando o profesor o método de proxectos ou proxectos colaborativos entre áreas. Para poder acadar bo resultados hai deixar claro dende un principio os obxectivos comúns e non comúns que queremos acadar cando nunha actividade están involucradas máis dunha área.

Organización de recursos humanos e materiais.

No IES temos para levar a cabo o proxecto un aula Abalar (de momento), na que teremos acceso a PDI. Temos un aula de informática co sistema operativo Ubuntu, e ademais co software da PDI instalado nos ordenadores.

Con estes recursos temos máis que suficiente para comezar e desenrolar o proxecto. Os profesores utilizarán a PDI os ordenadores para as actividades e tamén o ordenador do alumno para que coñeza o que o alumno pode facer con eles.

Avaliación

Por unha parte temos a avaliación dos materiais que saian do propio curso.

Neste punto avaliaremos:

A súa calidade, elaboración e a vistosidade.

A utilidade na aula, a interactividade e se a actividade é atractiva cara o alumno.

A adaptación os contidos, se a actividade serve para reforzar e adquirir os coñecementos ou procedementos.

Este punto pode valorarse analizado os materiais polo conxunto do profesorado integrante do proxecto. Nunha sesión podemos expoñer as actividades e analizalas.

Por outra banda tamén temos que avaliar a súa implantación na aula. Temos que avaliar o grado en que cada profesor leva estas destrezas a aula:

Non utiliza as NTIC.

Soamente utiliza o proxector.

Soamente utiliza a PDI.

Utilizan os alumnos os notebook.

Ademais do PDI, os notebook utiliza os seus propios recursos e materiais.

Este último cursos pode analizarse con enquisas o final do curso

Ten que analizarse o propio proxecto que pode realizarse en enquisas o final.

De todos modos existe para o proxecto unha avaliación máis importante que é o seguimento diario, este seguimento é o que determina o grado de profundización nos contidos e obxectivos, e as medidas que temos que tomar para ir adaptándonos as demandas e necesidades dos integrantes do grupo. Este seguimento non pode estar regulado por enquisas, ten que vir determinado pola observación do grado de consecución dos obxectivos marcados.